ទំនប់ជាយអារែងកំពុងរៀបចំសាងសង់
ក្រុមហ៊ុន Sinohydro បានទទួលកាន់កាប់បន្តនូវសម្បទានសាងសង់ទំនប់វារីអគ្គិសនី ស្ទឹងជាយអារែង នៅខេត្ត កោះកុង ហើយកំពុងរៀបចំសម្រាប់ដំណាក់កាលដំបូងនៃការសាងសង់។ នេះបើយោងតាមតំណាងក្រុមហ៊ុន និងមន្ត្រីរដ្ឋាភិបាល។ លោក អ៊ិត ប្រាង រដ្ឋលេខាធិការក្រសួងរ៉ែ និងថាមពល បានថ្លែងថា ក្រុមហ៊ុន Sinohydro Corporation Limited ដែលសាងសង់ទំនប់ Three Gorges នៅប្រទេស ចិន បានកាន់កាប់បន្តសម្បទានពីក្រុមហ៊ុនចិនមួយទៀតគឺក្រុមហ៊ុន China Guodian Corporation។ លោកបានឲ្យដឹងថ្លែង កាលពីថ្ងៃចន្ទថា៖ «យើងមិនអាចនិយាយបានទេថា តើពេលណា [ក្រុមហ៊ុន Sinohydro] នឹងចាប់ផ្តើមការសាងសង់ព្រោះយើងត្រូវសិក្សាច្រើនអំពីផលប៉ះពាល់បរិស្ថាន»។ លោក ទូ សាវុធ អភិបាលស្រុក ថ្មបាំង ឲ្យដឹងថា តំណាងក្រុមហ៊ុន Sinohydro Corporation និងមន្ត្រីពីក្រសួង រ៉ែ និងថាមពល បានចុះមកមើលការដ្ឋានទំនប់កាលពីថ្ងៃសុក្រដើម្បីរៀបចំសាងសង់ផ្លូវ ដោយយកគ្រឿងចក្រធំៗចូលមកការដ្ឋាន។ លោកបន្ថែមថា៖ «តំណាងក្រុមហ៊ុន Sinohydro បានចុះទៅទីនោះដើម្បីជួបជាមួយនឹងមន្ត្រីស្រុក និងមន្រី្តពីក្រសួង រ៉ែ និងថាមពល។ ពួកគេមានគោលបំណងពីរគឺ ទី១ មកពិនិត្យទីតាំងដើម្បីកសាងការដ្ឋានសាងសង់ និង ទី២ គឺដើម្បីរៀបចំសាងសង់ផ្លូវចេញចូលការដ្ឋាន»។ …
ឆាយ ចន្ទដានី និង Daniel Pye
http://www.postkhmer.com/national/1-national-news/111462-2014-03-05-03-19-56
